A Girl:-

Kabhi main hoon tanha, kabhi main akeli,
Ik uljha sawaal, ek un-suljhi paheli

Main paani ki kal-kal, main hawaaon ki sar sar,
Main Ganga hoon paawan, main Yamuna hoon maili

Main phoolon ki khushbu, main raato ke sapne,
Main neeli si chaadar aasamaan pe hoon phaili

Kabhi main hoon tanha, kabhi main akeli,
Ik uljha sawaal, ek un-suljhi paheli

Main ishq ki tadapn, main chhota sa bachpan,
Jawani hoon main jese ziddi akeli

Main jaane ka dukh hoon, main aane ki khushiyan,
Main aankhon ka raaz, main khuli hatheli

Kabhi main hoon tanha, kabhi main akeli,
Ik uljha sawaal, ek un-suljhi paheli

Main Krishna ki Radha, main Ram ki Sita,
Main Ahelya hoon jaise pathar akeli

Mere liye bani hai duniya ye saari,
Jeena sikhati main sabko akeli

Kabhi main hoon tanha, kabhi main akeli,
Ik uljha sawaal, ek un-suljhi paheli


 © Ravi Khurana